Como cada ano no mes de novembro temos as Xornadas Libertarias. Poñemos o cartel das mesmas onde figuran os distintos actos que terán lugar en Ferrol entre o martes 15 e o sábado 19 de novembro.
Nov 05 2011
Non nos representan? Non os votes!
Levamos moito tempo dicindo que ten que ser a xente traballadora (a que pode), o pobo, quen asuma a responsabilidade de decidir de forma directa e horizontal o que lle interese. Non abonda con delegar e lexitimar este sistema corrupto cada catro anos. O circo electoral únicamente permite “lexitimar” as desfetas e latrocinios que se están a cometer dende o estado e as institucións en nome do pobo. Sempre ao servicio do capital e da banca, políticos e gobernantes lexislan e actúan en beneficio dos poderosos e deles mesmos. Sempre de costas ao pobo, a quen reprimen con saña cando se levanta e matan lentamente a diario con saraos televisivos e noticiarios mintireiros. O sistema é parte do problema, non da solución. E quen, con boa vontade, traga con rodas de muiño e forma parte do circo ten que espertar. Non merece tampouco o teu voto. Pensa e decide… Máis mentiras e cacicadas ou nos poñemos as pilas para cambiar as cousas. Non é doado, non. Moita xente pensa que é libre cando vota, pero non se vota libremente cando a información está en mans duns poucos intereses e chega manipulada. Cando a mentira, cociñada como verdade, inunda as nosas vidas.
Con humildade e dende o noso recuncho deixámoste o noso punto de vista. Para que o penses con calma e decidas que facer. Na sociedade de consumo, do individualismo egoista, del “porque yo lo valgo,” unha proposta que non está de moda pero que non está de máis. Pasa do estado e do capital e pásate á acción xenerosa e solidaria. Loita polo que paga a pena coa mellor forma de egoismo posible. O egoísmo comunitario e social. O que beneficia aos meus veciños tamén me benecicia a min. E déixate de circos e panderetas electorais. Xa sabes, abstención e actívate…
Podes ver e descargar libremente o documento coas nosas propostas, e tamén podes compartilo con quen queiras que non somos da SGAE non_votes_non_nos_representan.pdf
Comments Off
Nov 18 2010
IX Xornadas libertarias en Ferrol
IX Xornadas Libertarias
Unión Libertaria
Ferrol, 20 a 26 de novembro de 2010
Sábado 20 de novembro de 2010
Antigo cemiterio de Canido
12:30 horas
Homenaxe ás vítimas do franquismo
Acto poético-musical-reivindicativo, con intervencións do poeta Xoan Abeleira, un membro de Unión Libertaria e os músicos Amelia Ónega e Agulló.
Trinta e cinco anos despois da morte do dictador Franco aínda é necesario reivindicar a memoria de todas as vítimas do franquismo, asasinadas pola dictadura e esquecidas na transición. A homenaxe serve tamén para lembrar á militancia libertaria, moitas veces esquecida, coincidindo co 74 cabodano da morte do combatente revolucionario Buenaventura Durruti.
Luns 22 de novembro de 2010
Espazo Libertario (Avenida de Esteiro, 10-12, baixo)
20:00 horas
Palestra “Crise capitalista e alternativa anarquista”, a cargo de Fran Fernández e Eliseo Fernández, membros de Unión Libertaria.
A agudización das contradiccións do sistema capitalista encamiña ao mundo e aos seus habitantes cara ao colapso global. Fracasadas a alternativa socialdemócrata e o capitalismo de estado do modelo soviético, o anarquismo representa a día de hoxe unha alternativa posible de loita e de construcción dunha sociedade máis xusta e igualitaria.
www.unionlibertaria.org
Martes 23 de novembro de 2010
Espazo Libertario (Avenida de Esteiro, 10-12, baixo)
20:00 horas
Representación de monicreques “A historia do indio Lautaro” e charla “Análise histórico e situación actual do pobo mapuche”, a cargo dunobservador da situación mapuche.
Dúas formas de narrar unha mesma historia, a loita do pobo mapuche contra o estado chileno e as multinacionais que ameazan a súa terra, a súa cultura e a súa vida. Unha loita que é representativa das tentativas populares de crear formas distintas de combate ante os ataques do capitalismo, recuperando na loita a súa dignidade colectiva.
http://www.mapuche.info/
Mércores 24 de novembro de 2010
Espazo Libertario (Avenida de Esteiro, 10-12, baixo)
20:00 horas
Mesa redonda “Okupación vs Especulación”, con membros dos Centros Sociais “A Casa da Estación” de Pontedeume, “A Casa das Atochas” da Coruña e “O Salgueirón” de Cangas.
O movemento social das okupacións, xurdido hai moitos anos en todo o mundo, ten na Galiza unha renovada forza nos últimos tempos. Membros de tres dos Centros Sociais okupados máis representativos da Galiza, debaten sobre a okupación como alternativa diante da especulación e sobre a alternativa que representan as casas okupadas fronte ao capitalismo neoliberal no seu conxunto.
http://osalgueiron.blogspot.com
http://www.casadasatochas.info/
Xoves 25 de novembro de 2010
Espazo Libertario (Avenida de Esteiro, 10-12, baixo)
20:00 horas
Presentación do libro “Caminando hacia el abismo: historia de una generación”, coa presencia do autor, José María Botana Cao “Boti”.
A obra foi editada polo Periódico Anticarcelario “Punto de Fuga” e a Biblioteca Antiautoritaria “Frakaso escolar” en setembro de 2010. Nas súas páxinas, baixo a forma dunha novela, atopamos unha mediatación sobre a xeneración rebelde da transición, cos seus sonos e as súas miserias, a súa brutalidade e a súa solidaridade profunda.
Venres 26 de novembro de 2010 [ ACTO CANCELADO ]
Espazo Libertario (Avenida de Esteiro, 10-12, baixo)
20:00 horas
Palestra “Economia e autoxestión”, explicando o modelo económico anarquista da man de Endika Alabort, integrante do ICEA (Instituto de Ciencias Económicas e da Autoxestión).
O ICEA é unha entidade cultural de ambito estatal que desenvolve actividades de docencia e investigación en economía política, ciencias sociais, e autoxestión obreira e social. Dende a súa creación, no ano 2008, desenvolve actividades de estudo e difusión de temas como a crise económica, o decrecemento e a economía en xeral dende un punto de vista libertario.
http://iceautogestion.org/
RESUMO DOS ACTOS
| Sábado 20 – Homenaxe ás vítimas do franquismo
O vento rebelde e a auga fixeron que o acto fose rematado no noso local da man do poeta Xoan Abeleira que fixo memoria de tantos homes e mulleres que loitaron e defenderon as ideas libertarias e que hoxe son inxustamente esquecidos. Amelia Ónega puxo o broche de ouro coa interpretación de varias pezas musicais da época. Unha comida de confraternización pechou este acto de lembranza e homenaxe. Coa súa memoria construímos o noso futuro. |
 |
 |
 |
 |
| Luns 22 – Crise capitalista e alternativa anarquista
Poñemos unhas imaxes e o audio completo da palestra e o debate posterior |
 |
| Podes escoitar o audio ou descargalo… |
| Martes 23 – Análise histórico e situación actual do pobo mapuche |
 |
| Podes escoitar o audio ou descargalo… |
| Mércores 24 – Okupación vs especulación |
|
|
|
Podes escoitar o audio ou descargalo…
|
| Xoves 25 – Caminando hacia el abismo: historia de una generación |
|
|
|
Podes escoitar o audio ou descargalo…
|
Páxina seguinte »
