Unha volta máis, e baixo o lema ” O negocio do gas apesta”, as xentes que berramos pola demolizón de Reganosa, manifestamo-nós o 5 de Xuño, dia mundial do meio ambiente, polas rúas de Ferrol á carón da Rede Galiza Non Se Vende para denunciar o inmoral negocio do gas e maila destrucción do litoral, así como para amosá-la nosa repulsa á planta regasificadora instalada no interior da Ría.
O roteiro, que aglutinou arredor de trescentas persoas, percorreu as distintas entidades que participan deste noxento consorcio ( Xunta de Galicia, Unión Fenosa, Gadis, Caixa Galicia, Caixa Nova e Banco Pastor) para rematar fronte ao edificio da Autoridade Portuaria no peirao de Curuxeiras, días despois de que se anunciase o posible nomeamento de Francisco Silva Castaño (Director Xeral de Forestal del Atlántico) como Presidente da Autoridade Portuaria Ferrol-San Cibrao.
Compañeir@s de UL, CNT e afíns, xunto con outros colectivos e organizacións contrarios a instalación da planta de gas, tanto dentro como fora da ría, e partidarios doutro módelo económico e enerxético, quixemos estar presentes para visibilizar a insostibilidade do sistema capitalista e maila necesidade de mudá-lo rumbo da sociedade. E alí estivemos coas nosas faixas, panfletos, colantes, petardos e bombas fétidas para que non quedase dúbida de que nos opoñemos a este módelo de desenvolvimento económico, que agora está en crise, baseado na explotación indiscriminada, o expolio e a destrucción dos recursos naturais e das persoas.
